انتخابات ملتوی تھیوݨ دیاں ڳالھیں کوڑیاں ہن ،نگران وفاقی وزیرفواد حسن فواد

اسلام آباد۔13دسمبر(اے پی پی) نگران وفاقی وزیر نجکاری فواد حسن ??واد آکھیے جو انتخابات ملتوی تھیوݨ دیاں خبراں کوڑیاں ہن ، کوئی ایجھا ابہام کائنی جو انتخابات 8 فروری کوں نہ تھیسن۔ اے ڳالھ انہاں وائس آف امریکہ کوں ھک انٹرویو اچ آکھی اے۔ نگران وفاقی وزیر آکھیے الیکشن اچ تاخیر دے بیان دا نگران حکومت نال کوئی تعلق ??ائنی۔ انہاں آکھیے نگران حکومت غیر جانبداری نال آپݨے امور انجام ݙیندی پئی اے ۔ فواد حسن ??واد آکھیے او کݙاہیں کہیں دے سیاسی ایجنڈے دا حصہ نی بݨیے ۔کابینہ اچ رلݨ دا مقصد نجکاری دے ذریعے معیشت دا ٻوجھ گھٹ کرݨ اے ۔ ھک سوال دے جواب اچ وفاقی وزیر آکھیے پوری کوشش اے پی آئی اے دی نجکاری کوں وختی مکمل کیتا ونڄے ۔ انہاں آکھیے ایں ویلھے پی آئی اے دے ایوی ایشن متعلق ??ور بزنس دی نجکاری ساݙی ترجیح اے ۔

مضمون کا ماخذ : اضافی مرچ

متعلقہ مضامین