منشیات اتے قبضہ مافیا کوں انجام تئیں پچا تے ساہ گھنسوں،وزیر مملکت برائے داخلہ شہریار آفریدی
APP01-19
ISLAMABAD: January 19 - Minister of State for Interior, Shehryar Khan Afridi addressing at an Awareness & Advocacy initiative on Social Inclusion & Hazards of Drugs at local hotel. APP photo by Saleem Rana
اسلام آباد ۔ 19 جنوری (اے پی پی) وزیر مملکت برائے داخلہ شہریار آفریدی آکھیے جو منشیات اتے قبضہ مافیا کوں انجام تئیں پچا تے ساہ گھنسوں،اساتذہ اتے والدین نوجوان نسل دی چنگی کردار سازی اچ کردار ادا کرن، منشیات فروشاں اتے انہاں دے سہولت کاراں کوں سزائے موت ڈیونڑ کیتے سینیٹ دی قائمہ کمیٹی برائے داخلہ کوں سفارشات ڈے ڈتن،منشیات سمگلنگ روکنڑکیتے قانون نافذ کرنڑ آلے اداریاں ، ساحلی اتے سرحدی محافظاں اتے سول آرمڈ فورسز کوں متحرک کرڈتا گئے۔ اے گالھ وزیر مملکت برائے داخلہ شہریار آفریدی منشیات بارے آگاہی سیمینار اتے مذاکرہ نال خطاب کریندے آکھی۔انہاں آکھیے جو نوجواناں کوں منشیات، سگریٹ نوشی اتے شیشہ سموکنگ جھیاں لعنتاں توں بچا تے چنگان شہری بنڑاونڑ کیتے کم تھیندا پئے،منشیات فروشاں اتے قبضہ مافیا کو ںکیفر کردارتئیں پچا تے ہک مثال رکھیسوں۔ اے سیمینار اسلام آباد پولیس، ضلعی انتظامیہ اتے روٹس میلینیئم سکول سسٹم دے گانڈھے نال کرایا گیا ہا جیندے مہمان خصوصی وزیر مملکت برائے داخلہ شہریار آفریدی ہن۔انہاں منشایت دے دھندے اچ ملوچ عناصر کوں خبردار کیتا جو میڈا اپنڑے رب،وزیراعظم اتے قوم نال وعدہ اے جو ایں ناسور کون مکیسوں، حکومت دی ترجیح انسانیت تے سرمایہ کاری اے اتے پاکستانیاں دا پیسہ پاکستانیاں تے خرچ کریسوں،ملکی مفاد تے کوئی سمجھوتہ نہ کیتا ویسی، متحرک نوجواناں دی ٹیم بنڑیسوں جیہڑی پورے ملک دے نوجواناں دی کردار سازی کریسی۔
