لاہور۔17 مارچ(اے پی پی )وفاقی وزیر دفاع خرم دستگیر خان آکھیے جو کراچی اچ روزانہ 26,26لوک ٹارگٹ کلنگ دا شکار تھی ویندے ہن ،بلوچستان اچ پاکستان دا جھنڈا لہراونڑ ممنوع ہئی ،اج کراچی تے بلوچستان دے حالات ساریں دے سامنڑے ہن ،2013اچ ملک خون تے اندھارے اچ ہئی ،ملک اچ نہ گیس ہئی نہ بجلی تے نہ ہی امن ہا ،لیکن اج عوام ڈیکھدی پئی اے سارے مسئلے حل تھیندے پن ۔توانائی بحران تے دہشت گردی دیاں رکاوٹاں ترقی دے رستے توں ہٹ گن ،نواز شریف دی قیادت اچ پاکستان روشن تے پر امن تھیا ،انہاں آکھیا 2013اچ لوڈشیڈنگ نال انڈسٹری تباہ ہئی تے دہشت گردی عروج تے ہئی مگر پاکستان دی فوج تے سویلین دیاں قربانیاں پاروں کراچی،بلوچستان تے قبائلی علاقیںسمیت پورے پاکستان اچ امن بحال تھے تے لوڈشیدنگ توں نجات مل گی اے ۔ملائشیا تے پاکستان دیاں کمپنیاں دی سانجھے داری مبارخ باد دی مستحق اے ۔‘ڈائمنڈ پینٹس کو ںغیر ملکی سرمایہ کاری پاکستان اچ گھن آونڑ قابل تحسین اے‘اساڈی حکومت پاکستان اچ کئی انڈسٹریل یونٹس قائم کیتن جیرھے جو کامیابی نال چلدے پن ،انہاں آکھیا اساڈے مخالف سڑکاں ،پلاں،بندرگاہیں کوں بنڑاونڑ دی مخالفت کریندن جڈاں جو بلارنگ تے نسل او سارے انہاں سڑکاں تے چلدن ۔وفاقی وزیر دفاع خرم دستگیر خان آکھیا میکوں بہوں خوشی تھی اے جو پاکستان دیاں صنعتاں پروان چڑھدیاں پن ۔
.jpg)