پاکستان تحریک انصاف دے وائس چیئرمین شاہ محمود قریشی نال پی ٹی آئی دے سیکرٹری اوورسیز ڈاکٹر عبداللہ ریاڑ دی ملاقات

اسلام آباد۔9فروری (اے پی پی):پاکستان تحریک انصاف دے وائس چیئرمین و وزیر خارجہ مخدوم شاہ محمود قریشی ںال پی ٹی آئی دے سیکرٹری اوورسیز ڈاکٹر عبداللہ ریاڑ ٻدھ کوں وزارت خارجہ اچ ملاقات کیتی۔ملاقات وچ پاکستان تحریک انصاف دے بین الاقوامی کنونشن اتے اوورسیز سیکریٹریٹ دے تنظیمی معاملات تے ڳال مہاڑ تھئی ۔ڈاکٹر عبداللہ ریاڑ وزیر خارجہ کوں 13 توں 16 مارچ تئیں اسلام آباد اچ متوقع “پی ٹی آئی بین الاقوامی کنونشن” دے انتظامات دے حوالے نال مفصل بریفنگ ݙتی تے تحریک انصاف دے بین الاقوامی سیکریٹریٹ دی کارکردگی دے حوالے نال وی وزیر خارجہ کوں ݙسایا ۔وزیر خارجہ آکھیے جو ٻاہرلے ملک رہݨ آلے پاکستانیاں دے نال وزیر اعظم عمران خان دی قلبی وابستگی اے۔انہاں آکھیے جو وزیر اعظم عمران خان دی ہدایت تے، ٻاہرلے ملک رہݨ آلے پاکستانیاں کوں قونصلر سروسز دی بہتر فراہمی کیتے خصوصی اقدامات کیتے ڳئن ۔

مضمون کا ماخذ : فائر جوکر

متعلقہ مضامین