کابینہ دی سپریم کورٹ دے حکم تے وزیراعلی سندھ مراد علی شاہ،چیئرمین پیپلز پارٹی بلاول بھٹو دا ناں ای سی ایل توں کڈھنڑ دی منظوری
APP59-17
ISLAMABAD: January 17 Special Assistant to the Prime Minister on Accountability Mirza Shahzad Akbar and Special Assistant to the Prime Minister on Media Iftikhar Durrani addressing a press conference. APP photo by Irshad Sheikh
اسلام آباد ۔ 17 جنوری (اے پی پی) وزیراعظم عمران خان دی زیر صدارت وفاقی کابینہ سپریم کورٹ دے حکم تے وزیراعلی سندھ مراد علی شاہ اتے چیئرمین پیپلز پارٹی بلاول بھٹو دا ناں ای سی ایل توں کڈھنڑ دی منظوری ڈے ڈتی اے،جیکر نیب اے ناں ولا پاونر دی درخواست کیتی تاں عمل کیتا ویسی،بلاول بھٹو ،مرادعلی شاہ سودھے کہیں دا ناں جے آئی ٹی رپورٹ توں حذف نئیں کیتا گیا،کابینہ نیب کیتے 750ملین،سرکاری ملازمین دے دوران ملازمت انتقال تے 235ملین اتے لواحقین کیتے 1455ملین دی ضمنی گرانٹس ،میجر جنرل عامر عظیم کوں چیئرمین پی ٹی اے ،علی رضا بھٹہ کوں چیئرمین بے نظیر انکم سپورٹ پروگرام تعینات کرنڑ دی منظوری ڈتی اے۔اے گالھ وزیراعظم دے معاون خصوصی افتخار درانی اتے شہزاد اکبر، یوسف بیگ مرزادے نال وفاقی کابینہ دے اجلاس دے بعد میڈیا کوں بریفنگ ڈیندے ڈسائی۔انہاں آکھیا جوکابینہ تریوی نکاتی ایجنڈے تے غور کیتے۔کابینہ اجلاس اچ وزارت کیڈ دے ترقیاتی اتے غیر ترقیاتی 7ملین دے فنڈز زوزارت داخلہ کوں ڈیونڑ،برطانیہ اچ کیس کیتے وکیل کوں 2لکھ 32ہزر 450 پاﺅنڈ ڈیونڑ،20شاہراہواں کوں اکنامک ڈویلپمنٹ دے طورتے استعمال کرنڑ کیتے انٹرنیشنل کنوونشنز دے تحت مختلف ملکاں نال معاہدیاں، نیشنل فوڈ سکیورٹی اینڈ ریسرچ دے 20 سسنہ جہازاں دی نیلامی ،سیکشن 44دے تحت ڈسٹرکٹ اینڈ سیشن جج کو ںقلات ،چمن ،مستونگ اچ منی لانڈرنگ کیسزسنڑن دی اجات ڈتی اے۔وزیراعظم دے معاون خصوصی افتخار درانی آکھیا جو وزیراعظم عمران خان وزارت خارجہ کوں ڈاہ سالاں اچ کیسز دی تفصیل، پیروی کیتے اخراجات اتے کیسز دا سٹیٹس جانڑن دے نال نال بیرون ملک لابنگ کیتے فنڈز دے اجراءبارے اعدادوشمار ڈیونڑ دی ہدایت کیتی اے ۔
