اسلام آباد۔8اگست(اے پی پی) وزیراعظم شہباز شریف آکھیے اڄ قوم کوں پہلے توں کتھائیں ودھ اتحاد تے ھک مٹھ تھیوݨ دی لوڑھ اے ،حکومت اتے آئینی اداریں وچال پاکستان دے بہترین مفاد اچ سانجھ اڳوں ودھاوݨ سانڳے رول ماڈل اے ، قرآن کریم دے احکامات تے عمل کرتے ہی کامیابی ملسی ، سوشل میڈیا تے حقائق کوں جیویں خراب کیتا ویندے او لمحہ فکریہ اے، عوامی مفاد دی سیاست کوڑے پروپیگنڈے دی نذر تھیندی پئی اے۔ علماءو مشائخ کانفرنس توں خطاب کریندے وزیراعظم شہباز شریف آکھیے سپہ سالار قرآن کریم دی روشنی، اللہ تعالیٰ دے احکامات اتے نبی کریم ﷺدے ارشادات دے تابع ھک جامع ڳالھ مہاڑ کیتی اے او اسا?? ساری?? سانڳے مشعل راہ اے، علماءکرام قرآن و سنت دے حوالے نال منبر توں ݙینھ رات ڳالھ مہاڑ کریندن جیں تے اساں انھاں کوں منیندوں ۔ 14 اگست کوں اساں 77 واں یوم آزادی جوش و خروش نال منیسوں ای?? سانڳے ساݙے وݙ وݙیریں قائداعظم دی قیادت اچ عظیم تحریک چلائی، لکھاں لوکاں رت دے دریا پار کیتے ول ونڄ تے پاکستان بݨیا ۔ وزیراعظم آکھیے جتنی قوم کوں اڄ قومی یکجہتی اتے ھک مٹھ تھیوݨ دی لوڑھ اے ، پہلے کݙاہیں کائناں ہئی ، سیاسی حکومت اتے آئینی اداریں وچال جتنا تعاون موجودہ ویلھے اچ ہے ، ماضی اچ اپݨی سیاسی زندگی اچ نی ݙٹھا ، سیاسی حکومت اتے سپہ سالاردے بہترین تعلقات پاکستان دے بہترین مفاد وچ ہن ، اے اڳو?? سانڳے ھک رول ماڈ لاے ۔ وزیراعظم آکھیے اڄ پاکستان کوں اوکھے مالی حالات دا سامݨا اے، پاکستان کوں سماجی معاشی چیلنج دا حل کڈھݨا اے ۔ میں ماضی دی سیاست یا کہیں لیڈر دے حوالے نال ڳالھ مہاڑ نہ کریساں جے 77 سال اچ اجتماعی کامیابیاں کو?? سامݨے رکھݨا چاہیدے ۔ اساکوں آپݨے ماضی توں سبق سکھݨا چاہیدے جو ݙینھ رات محنت کرتے پاکستان کوں ایں جاہ تے کھڑا کریسوں جی?? سانڳے اے وجود اچ آیا ہئی اتے جی?? سانڳے ساݙے اکابرین اتے وݙیں عظیم قربانیاں ݙتیاں ہن۔ وزیراعظم آکھیے بدقسمتی نال اساں اڄ او مقامی نی گھن سڳیے جیڑھا گھنݨا چاہیدا ہئی اساں گزریل ویلھے کوں وسار تے کمر کس گھنوں تاں قرآن کریم دی روشنی اچ زندگی گزارݨ دا ارادہ کر گھنوں تاں اساں پاکستان کوں اقوام عالم اچ بہترین مقام ݙیوا سڳدوں، ایویں اوں ویلھے ممکن تھیسی جو فتنة الخوارج دا خاتمہ تھیوے ، انہاں اسلامی تاریخ اچ تباہ کن کردار ادا کیتا ہئی اساکوں اسلامی تاریخ توں سبق گھںݨا اے ، پاکستانی ہووݨ دا لبادہ پاتے ملک دشمنی کرݨ آلیں دی سنڄاݨ کرݨی ہوسی اساکوں انہاں دا سامݨا اے، انھاں دا مقابلہ کرݨے بھاویں سوشل میڈیا دے ذریعے ہووے یا کہیں ٻئے ذریعے توں ۔ ایں ملک اچ عوامی خدمت دی سیاست دے ناں کوں 2018 دے بعد کوئی پذیرائی کائنی، سوشل میڈیا تے کوڑ دے حقائق کوں خراب کیتا ویندے ڳالھیں مندے دا بازار گرم اے ، جنھاں اداریں پاکستان دے دفاع تے دہشت گردی مکاوݨ سانڳے قربانیاں ݙتن، اپݨے ٻال یتیم کرتے کروڑاں ٻالاں کوں یتیم تھیوݨ توں بچائےانہاں کوں سوشل میڈیا تے ٹارگٹ کیتے، 9 مئی توں ودھ دلخراش واقعہ پاکستان اچ کوئی نی تھیا ، 1971 اچ پاکستان ݙو ٹوٹے تھیا ، انھاں کرداراں دے خلاف اڄ جیڑھا کجھ تھیندا پئے او ساریں دے سامݨے اے ۔ وزیراعظم آکھیے ملک اچ ونڈ دی سیاست مکاوݨ سانڳے معتبر آواز علماءدی تھی سڳدی اے اساکوں فروعی اختلافات اچ پئے کراہیں ویلھا ونڄائے بغیر آپݨی ذمہ واری دا احساس کرݨا ہوسی ،علماءتے وݙی ذمہ واری اے ایں ونڈا کوں مکواون ت?? ملک کوں ترقی تے خوشحالی دے رستے ٹورݨ اچ آپݨا کردار نبھاون ۔ اقتدار سنبھالݨ دے بعد اساں ہر جاہ تے ایہو آکھیے قرضے توں جند چھڑاوݨی اے، ایں توں جند چھڑاوݨ سوکھا کائنی تاں جو اساکوں عزت دی زندگی گزارݨ تے پاکستان کوں عظیم ملک بݨاوݨ سانڳے قرضے توں جند چھڑاوݨی اے ،جے اساں عزم کر گھنوں تاں وݙی توں وݙی رکاوٹ ساݙے رستے اچ نی آسڳدی ، ایندے اچ علماءکرام تے مشائخ عظام دا وݙا کردار اے۔ وزیراعظم آکھیے اسلامی معاشی نظام تےعلماءکرام بہترین روشنی پا سڳدن ،اساکوں امن ت?? بھرپی دا سنھیا گھن ت?? اڳوں ودھݨا ہوسی ۔ آئی ایم ایف پروگرام اچ ونڄݨ کوئی خوشی دی ڳالھ کائنی اساکوں ایہو جیہاں سکیماں بݨاوݨیاں ہوسن جو ملک دی ترقی اچ ہر شہری آپݨا کردار نبھا سڳے۔ اساں ایف بی آر تے پاور سیکٹر دی بہتری سانڳے ݙینھ رات مصروف ہیسے ، حکومت ملک کوں معاشی اوکھ توں کڈھݨ سانڳے ݙینھ رات کوشاں اے، اساں قرض دی بجائے سرمایہ کاری دی ڳالھ کیتی ، ایویں پاکستان کوں آپݨے پیراں تے کھڑا کیتا ونڄ سڳدے، اساں ترقیاتی بجٹ توں 50 ارب روپے دی کٹوتی کرتے 200 یونٹ بجلی استعمال کرݨ آلے صارفین کوں ریلیف ݙتا، عام آدمی کوں ریلیف ݙیوݨ سانڳے اتحادی حکومت جامع منصوبہ بندی کریندی پئی اے ، ریلیف ݙیوݨ دے حوالے نال آرمی چیف نال وی مشاورت جاری اے، اساکوں آپݨے وسائل ودھاوݨن
