اسلام آباد۔9جون(اے پی پی) وفاقی حکومت آندے مالی سال 24-2023 کیتے سرکاری شعبہ دے ترقیاتی منصوبہ جات (پی ایس ڈی پی ) دے تحت نیشنل ہائی ویز اتھارٹی دے 68 جاری منصوبیاں کیتے 103375.614 ملین روپے ، 51 نویں اتے بلٹ، آپریٹ اینڈ ٹرانسفر دے 3 منصوبیاں سودھا سارے منصوبیاں کیتے 157860.390 ملین روپے مختص کیتن۔ انہاں جاری منصوبیاں اچ کاریک راہداری ترقیاتی پروگرام سرمایہ کاری (ایشیائی ترقیاتی بینک) دے پٹارو۔ سہون حصہ (128 کلومیٹر) منصوبیاں، شکارپور۔ راجن پور این 55 کاریک راہداری دے اضافی کیرج وے کیتے 3500 ملین روپے رکھین۔ راجن پور۔ ڈی جی خان چار لین ہائی وے منصوبے اتے ایکوں ݙوڑا کرݨ کیتے زمیناں دے متاثرہ ٹٻراں کوں معاوضے ݙیوݨ اتے ڈی جی خان۔ ڈی آئی خان این 55 (329.7 کلومیٹر) دی بحالی اتے ݙو رویہ کرݨ دے منصوبے کیتے 6000 ملین روپے رکھیے ڳن۔ یارک۔ ساگو۔ ژوب بشمول ژوب بائی پاس (210 کلومیٹر) این 50 ݙو رویہ کرݨ اتے بہتری دے منصوبے کیتے 6000 ملین روپے رکھیے ڳن۔ قدیم بنوں روڈ 1040 توں 1050 کلومیٹر اتے 1088 کلومیٹر حصیاں کوں فو رویہ کرݨ اتے بہتری کیتے 5317.442 ملین روپے دے منصوبے شامل ہین۔ این ایچ اے دے ٻئے منصوبیاں اچ برہان۔ ہکلا توں ڈیرہ اسماعیل خان موٹروے ایم 1 دے حصے دی تعمیر، راولپنڈی۔ کہوٹہ کوں ݙو رویہ کرݨ بشمول سہالہ ریلوے پاس تے چار لین پل ٻݨاوݨ، ایویں بلوچستان، سندھ اتے پنجاب دیاںش اہراواں دی تعمیر و مرمت دے منصوبے وی شامل ہین۔ دریائے سندھ نال لیہ۔ تونسہ چار لین برج اتے ٻیاں سہولتاں دی تعمیر دے منصوبے وی حصہ ہین۔
