تحریک انصاف پاکستان دی مقبول اتے منظم ترین سیاسی قوت اے، وزیراعظم عمران خان پارلیمانی پارٹی اجلاس نال خطاب
APP51-301221
ISLAMABAD: December 30 - Prime Minister Imran Khan chairs Parliamentary Party meeting. APP
اسلام آباد۔30دسمبر(اے پی پی)وزیراعظم عمران خان آکھیے جو تحریک انصاف پاکستان دی مقبول اتے منظم ترین سیاسی قوت اے۔ اے ڳآلھ انہاں اسلام آباد اچ پاکستان تحریک انصاف دی سنٹرل ایگزیکٹو کمیٹی اجلاس دی اڳواݨی کریندے آکھی جیندے اچ وائس چیئرمین شاہ محمود قریشی اتے مرکزی سیکرٹری جنرل اسد عمر سودھا سنٹرل ایگزیکٹو کمیٹی اراکین شرکت کیتی۔ اجلاس اچ تحریک انصاف دے آئین تے نظرِثانی کیتے ٻݨائی ڳئی خصوصی کمیٹی دی سفارشات تے غور تھیا۔ چیئرمین پاکستان تحریک انصاف سفارشات سانڳے نویں آئینی سکیم دی منظوری ݙتی اتے سیکرٹری جنرل دی اڳواݨی اچ نویں نامزد ذمہ داران کوں ھیٹلی سطح تئیں تنظیم سازی تیکھے مکمل کرݨ دی ہدایت کیتی۔ انہاں آکھیا جو تحریک انصاف سیاسی و انتظامی طور تے نچلی ترین سطح تئیں عوام کوں بااختیار ٻݨاوݨ دے مقصد دو ودھدی پئی اے، قومی تعمیر و ترقی کیتے غریب طبقے دی بہتری تے خصوصی توجہ دی لوڑھ اے، فلاھی ریاست سانقے ہر اقدام کتیا ویسی تاں جو بھلائی دے اثرات اصل شکل اچ عوام تئیں پڄن۔ انہاں آکھیا جو تحریک انصاف دے تنظیمی ذمہ داران ہر سطح تے منظم تھیون اتے آندے سیاسی چیلنجز نال نبرݨ کیتے تیاری کرن۔
