ملک کوں بحراناں اچ سٹنڑ آلے اج ولا جمہوریت دے ناں تے کٹھے تھئے بیٹھن،وزیراعظم

اسلام آباد ۔ 19مئی (اے پی پی)وزیراعظم عمران خان آکھیے جو بہوں اوکھے حالات دے باوجود پاکستان تیکھے اوکھ توں نکلا آسی،ملک کوں بحراناں اچ سٹنڑ آلے اج ولا جمہوریت دے ناں تے کٹھے تھئے بیٹھن،اے لوک ملک کوں قرضو کالا کرتے اج جمہوریت دے ناں تے حکومت دے خلاف سر جوڑی پین،اساں پاکستان تاریخ دے سب توں اوکھے سخت حالات اچ سنبھالیے ،ایندے باوجود اساں پاکستان خطے اچ سب توں اگو تے ویسی۔اے گالھ وزیراعظم عمران خان اسلام آباد اچ شوکت خانم میموریل دی فنڈ ریزنگ تقریب نال خطاب کریندے آکھی اے۔ انہاںا ٓکھیے جو شوکت خانم ہسپتال اچ75فیصد مریضاں دا مفت علاج تھیندے،اے جگ دا کلہا ہسپتال اے جتھاں اتنی وڈی تعداداچ مریضاں دا علاج تھیندے،اے خطے دا جدید ترین کینسر ہسپتال اے جتھاں افغانستان توں وی مریض آندن،ملک دے ہسپتالاں کوں وی شوکت خانم آلی کار عوامی خدمت دا مرکز اتے معیاری بنڑاونڑ چاہندے ہیں ایندے کیتے صحت دے شعبے اچ اصلاحات متعارف کرایاں ویسن۔

مضمون کا ماخذ : کنگ کانگ روش

متعلقہ مضامین