نواز شریف لندن مہانگی پراپرٹی اچ ٻیٹھن، زرداری لندن اچ چرچل ہوٹل دا مہانگا ترین اپارٹمنٹ ڳھن تے راہندن، مہانگ دا مسئلہ براہ راست انہاں نال جڑیے، لٹ مار کر تے بھجݨ آلے اڄ اساکوں معیشت تے لیکچر ݙیندے پئن، چوہدری فواد حسین

لاہور۔16جنوری (اے پی پی) وفاقی وزیر اطلاعات و نشریات چوہدری فواد حسین آکھیا جو نواز شریف دی لندن مہانگی پراپرٹی اچ ٻیٹھن، زرداری لندن اچ چرچل ہوٹل دا مہانگا ترین اپارٹمنٹ ڳھن تے راہندن، مہانگ دا مس??لہ براہ راست انہاں نال جڑیے، لٹ مار کر تے بھجݨ آلے اڄ اساکوں معیشت تے لیکچر ݙیندے پئن۔ پاکستان تحریک انصاف دی حکومت آپݨے پنڄ سالیں اچ انہاں دا ڳھدا ہوئیا 55 ارب ڈالر دا قرضہ واپسی کرݨے، پیپلز پارٹی دی حکومت ڳئی تاں گیس تے کوئی گردشی قرضہ کائںا ہئی، شاہد خاقان عباسی 157 ارب روپے دا سرکلر ڈیٹ چھ??ڑ تے ڳئے، جیڑھی سکیماں انہاں شروع کیتی او پوری کرݨ کیتے نوے ارب روپے چاہیدن، انہاں لوکاں پاروں اڄ ملک اچ مہانگ اے، اساں انہاں کوں کینویں وسار سڳدوں، عمران خان دا پورے ملک اچ ووٹ اے، پی ٹی آئی دے علاوہ کہیں ٻئی سیاسی جماعت اچ اتنی صلاحیت کائںی جو او 1100 نشتساں تے آپݨے امیدوار کھڑا سڳے۔ انشاء اللہ آندے پنڄ سال وی عمران خان دی حکومت ہوسی۔ اے ڳالھیں انہاں اتوار کوں لاہور پریس کلب دے نومنتخب عہدیداراں دی تقریب حلف برداری دے بعد میڈیا نال ڳالھ مہاڑ کریندیں ہوئیں آکھی۔