وزیراعظم محمد نواز شریف دا پاک فوج اتے پاک فضائیہ دیاں سانجھیاں فوجی مشقاں دے موقع تے تقریب توں خطاب
Pakistan's Prime Minister Nawaz Sharif speaks during a news conference with Thailand counterpart Yingluck Shinawatra (not pictured) at the Prime Minister's residence in Islamabad August 20, 2013. REUTERS/Mian Khursheed (PAKISTAN - Tags: CIVIL UNREST POLITICS)
پاکستان دا دفاع ناقابل تسخیر ہے،کہیں وی جارحیت دا منہ تروڑ جواب ڈتا ویسی، مسئلہ کشمیر دا سنجیدگی نال حل ضروری ہے، سی پیک پاکستان اتے چین دے بہترین تعاون دا مظہر ہے
خیرپور ٹامیوالی ۔ 16 نومبر (اے پی پی) وزیراعظم محمد نواز شریف آکھیا ہے جو پاکستان دا دفاع ناقابل تسخیر ہے ،کہیں وی جارحیت دا منہ تروڑ جواب ڈتا ویسی ۔مسئلہ کشمیر دا حل سنجیدگی نال ضرور ی ہے ،سی پیک پاکستان تے چین دے چنگے تعاون دا مظہر ہے ۔بدھ کوں اتھاں پاک فوج تے پاک فضائیہ دیاں سانجھیاں فوجی مشقاں دے موقع تے تقریب توں خطاب کریندے ہوئیں انہاں آکھیا جو فوجی مشقاں ایں گالھ دا مظہر ہن جو مسلح فوج کہیں وی جارحیت نال نبڑنڑ سانگے پور ی طرح تیا ر ہے ۔وزیراعظم آکھیا جو فوجی مشقاں کوں ڈیکھ تے خوشی تھی ہے ۔انہاں آکھیا جو اپریشن ضرب عضب دہشت گردی دے خلاف دنیادا ساریں توںوڈا اپریشن ہے ،دہشت گردی دے ےخلاف جنگ اچ مسلح فوج دیاں قربانیاں کوں قدر نال ڈیکھدوں ،اپریشن ضرب عضب پاروں حکومت دی رٹ بحالی تھی ہے ،وزیراعظم آکھیا جو دشمن پاکستان اچ ترقی دا عمل نی ڈیکھنڑ چاہندا اتے دہشت گرد ملک کوںعدم استحکام دا شکارکرنڑ چاہندے ۔وزیراعظم آکھیا جو اے امر قابل افسوس ہے جو جنوبی ایشیا جھڑیں اچ وکیڑیا ہویا ہے اتے کشمیر دے مسئلے دا حل سنجیدگی نال ضروری ہے ۔مسئلہ کشمیر کوں کشمیریاں دی خواہش اتے سلامتی کونسل دیاں قرارداداں دے مطابق حل کیتا ونجے ۔فائر بندی دے معاہدے دے خلاف ورزی تشویشناک ہے ۔وزیراعظم آکھیا جو پاکستان دا مستقبل روشن ہے ،ملک دی درجہ بندی اچ ودھار ا تھیا ہے اتے عالمی ادرے پاکستان دی معاشی ترقی دا اعتراف کریندے پن ،اساڈی مسلح فوج اپنڑے استعداد کار پاروں دنیا دی بہترین فوج اچ شامل ہے ۔انہاں آکھیا جو اساں ڈوجھے ملکاں دے معاملات اچ عدم مداخلت دی پالیسی تے عمل پیرا ہوں ۔وزیراعظم آکھیا جو پاک چین اقتصادی راہداری منصوبی پورے طور تے فعال تھیندا پیا ہے ،سی پیک پاکستان تے چین دے چنگے تعاون دا مظہر ہے ،سی پیک دے تحت سارے منصوبیں دے وختی پورا تھیونڑ کوں یقینی بنڑایا ونجے اتے ایندے تحت گوادر بندر گاہ توں تجارتی بحری جہاز روانہ تھیا ہے ۔
