اسلام آباد۔ 3 دسمبر (اے پی پی)وزیراعظم عمران خان آکھیے جواو چاہندن کہ ساڈی حکومت اتنی شفاف ہوے اینجھی پہلے کوئی بئی حکومت شفاف نہ رہی ہووے ،کوشش اے نچلے طبقے کوں فیدہ ملے،داریاں کوں پیشہ ورانہ انداز اچ چلایا ونجے، سرمایہ کارا تے تاجراں کوں سہولتاں ملن، بیوروکریٹس گوسلو پالیسی تے لگے ہوئن،سمجھدن شاید حکومت زیادہ دیر نہ چلسی،جیکر نیب میڈی تلے ہوندا تاں پنجھا ودے ودے مگر مچھ اج اندرو ہوندے،جیکر کوئی وزیر غلط کم کریندا پئے تاں اوکوں بے نقاب تھیونڑا چاہیدے،کہیں کوں بچاونڑ کیتے مداخلت نہ کریسوں،کوئی غلط کم کائنی کیتا،حکومتی منشور کوں فوج دی مکمل حمایت حاصل اے، عوام وی نال ہین، ویلھے توں پہلے انتخابات تھی سگدن،مکمل اے کجھ وزراوی تبدیل تھی ونجن،کپتان حکمت عملی کہیںویلھے وی تبدیل کر سگدے، کرتار پور کھولنڑ دا فیصلہ سیدا سادا اے کوئی گگلی نئیں۔ اے گالھ وزیراعظم عمران خان اسلام آباد اچ سینئر صحافیاں اتے اینکرزنال ملاقات اتے حکومت دی آندی حکمت عملی بارے تفصیلی انٹرویواچ آکھی۔وزیراعظم دا آکھنڑ ہا جوساکون تباہ حال معیشت ملی اے ڈالر ودھنڑ گھٹنڑ اچ حکومت دا کوئی ہتھ کائنی، پی آئی اے اتے ریلوے سودھے سارے قومی ادارے خسارے اچ ہین،ساڈی پالیسی اے جو ہولڈنگ کمپنی دے ذریعے اداریاں کوں پیشہ وارانہ انداز اچ چلایا ونجے،سابق حکومت دے خسارے دے باوجود موجودہ حکومت زبردست کم کیتے اتے لوک آندے ڈینہان اچ ملک اچ استحکام دیکھسن،روپیا تکڑا تھیسی، یقین ڈوینداں جو ملک اچ ڈالر دی کوئی تھور کائنا ہوسی۔ انہاںا ٓکھیے جو اعظم سواتی کیس اچ کوئی مداخلت کائنی تھیندی پئی،اسمبلی اتے میڈیا تہوں ہوندے جتھاں کوئی غلط کم ہووے نشاندہی کرن،وزرا غلط کم کرن تاں بے نقاب تھیونڑے چاہیدن،ایں ہفتے وزرا دی کارکردگی بارے فیصلہ کریساں ممکن اے جو کجھ وزرا بدلنڑے پوون،کیا عثمان بزدارکہیں پولیس افسر کوں سڈ تے پچھ نئیں سگدا؟ چیف جسٹس دے اقربا پروری دے ریمارکس تے افسوس تھئے، اساں کہیں کوں بچاونڑ کیتے کوئی مداخلت نہ کریسوں ۔ وزیراعظم آکھیے جو کہیں نال کوئی ذاتی جھڑا کائنی،مقصد کرپشن مکاونڑ اے، پاکستانی قوم فیصلہ کرے کہ کیا کرپشن دا نظام چلنر ڈیونڑے؟ نیب دے کارکردگی تے تحفظات دا اظہار کریندے وزیراعظم آکھیا جوکرپشن کیساں اچ دیر توں بہوں تنگ ہاں،نیب چھوٹے چھوٹے کیس پکڑی کھڑے، بیوروکریٹس گوسلو پالیسی تے لگے ہوئن،سمجھدن شاید حکومت زیادہ دیر نہ چلسی،جیکر نیب میڈی تلے ہوندا تاں پنجھا ودے ودے مگر مچھ اج اندرو ہوندے،گو سلو پالیسی کامیاب نہ تھیونر ڈیسوں،منی لانڈرنگ بارے سخت قانون گھدی آندے ہیں۔ انہاں آکھیے جو اپوزیشن نال نئیں تھیندی نہ تھیوے ،اپوزیشن پکریجنڑ دے ڈر توں شور مچیندی پئی اے،احتساب کوں انتقامی کارروائی ثابت کرنڑ دی ناکام کوشش اچ اے، جیکر میں اج آکھ ڈیواں جو آو ¿ مل تے ٹردے ہین تاں اے خوش تھی تے آ ویسن۔ کرتار پور سرحد بارے وزیراعظم آکھیے جو اے کوئی گگلی نئیں سیدھا سادا فیصلہ اے جیہڑابھارت دیاں سازشاں بے نقاب اتے ناکام کرنڑ کیتے کیتا گئے، ایندے تے پوری قوم نال اے جڈاں جو تحریک انصاف دی حکومت دے منشور کوں فوج دی مکمل حمایت حاصل اے۔
